Buscar

Lea Artibaiko Eguzki

Autor

eguzkiondarru

Bizikleta aparkaleku gehiago nahi ditugu Saturraranen!

Bizikleta aparkaleku gehiago nahi ditugu Saturraranen!

– Kalitatezko aparkalekuak eta handiak, bizikletaren koadro osoa lotu ahal izateko
– Txiringitotik hurbil eta bistan, lapurretarik ez egoteko

Mutrikuko udala, ipini bizikleta aparkaleku gehiago Saturraranen!

bizikleta saturranen

Anuncios

Konfirmatuta: Ondarroako Depuradorak bota zituen itsasora maiatzaren 24ko ur zikinak

18671768_1872051256394650_2588813310685840693_o

Bizkaiko Ur Partzuergoak erantzun du guk bidalitako galdera, eta konfirmatu du Ondarroako depuradorak bota zituela itsasora maiatzaren 24ko ur zikinak.

Ez da lehenengo aldia hau gertatzen dena. Eraiki zutenetik, depuradorak arazoak dauzka. Marea biziak daudenean, ur gazia sartzen da saneamendu sarean. Ur gazi horrek hil egiten ditu depuradorako bakteriak, eta bakteria hauek dira ur zikina garbitzeaz arduratzen direnak. Hori ez gertatzeko, ur gazia aparteko tankeetan gordetzen dute depuradorakoek. Baina ur gazi gehiegi dagoenean, uretara bota behar izaten dute, garbitu barik. Eta hori gertatu zen maiatzaren 24an.

Bizkaiko Ur Partzuergoari eta instituzioei eskatzen diegu arazo hau ahalik eta azkarren konpontzeko, itsasora ur zikin gehiago ez botatzeko.

Bide batez, Ur Partzuergoari eskatzen diogu euskaraz bidalitako galderak euskaraz erantzuteko. Euskaraz bizi nahi dugulako, eta gure eskubidea delako.


 

Captura de pantalla de 2017-06-12 17-43-11.png

Landare inbaditzailik kendu douz

Zapatun landare inbaditzailik kendu genduzen Ondarrun. Hiru lekotan kendu genduzen panpako bedarrak: Alleriko bidin, Errenteixan eta Alli Zaharreko parin.

Halan eta be, ondiokan panpa bedar asko geatzen diz gure ingurutan: Errenteixan, Atxazpin… Horretxeatxik lagunzi eskatzen dotzau instituzinoiai, landare inbaditzailik kentzeko. Gu laguntzeko prest gaz.

Landare inbaditzailik tokixe kentzen dotze bertoko landariai, eta arrisku bat diz biodibersidadintzako.

Captura de pantalla de 2017-05-29 13-37-08.pngCaptura de pantalla de 2017-05-29 13-37-34.png

Depuradorak ur zikina bota du itsasora

Bizkaiko ur partzuergoari azalpenak eskatu dizkiogu isurketa honengatik.

Ez da lehenengo aldia depuradora inguruan halako isurketak gertatzen direna. Aurrekoetan ere salatu izan dugu, eta ur partzuergoak behin onartu zigun depuradorak arazoak zeuzkala. Arazo horiek jarraitzen dute?

18738568_1872051253061317_6578984373441865143_o18671768_1872051256394650_2588813310685840693_o

18623667_1872052956394480_1484573665248488659_o

Hazi bolak bota ditugu Larruskainen

Hazi bolak bota ditugu Larruskainen, Ondarroak bertan dauzkan lur publikoetan. Denon artean, baso autoktono bat sortuko dugu!

Eskerrik asko Argia Aldizkarikoei, Argia Egunean egindako hazi bolak oparitzearren.

P1120176P1120177

Eusko Jaurlaritza oraingoan ere “ahaztu” egin da Mijoako saneamenduaz aurrekontuetan

P1060482

Eusko Jaurlaritzari oraingoan ere “ahaztu” egin zaio Saturrarango hondartzan bertan isurtzen duen Mijoa erreka saneatzeko partida aurrekontuetan jartzea, nahiz eta joan den urrian, mozio baten bidez, Mutrikuko Udalak gogorazi zion bazela garaia orain dela hamar urte hartu zuen konpromisoa betetzeko (1).

Egunotan Legebiltzarrean eztabaidatu den aurrekontuetan, EAE osoan ur zikinak biltzeko eta arazteko 12,5 milioi euro baino ez ditu ipini Jaurlaritzak, eta diru kopuru horrekin ezin zaie inolaz ere aurre egiten hasi alor honetan bete gabe dituen konpromisoei. Are gehiago, aurrekontu hauekin, atzerapenek pilatzen jarraituko dute, ezinbestez. Kontuan izan Jaurlaritzak alor honetan dituen zorrak, Gipuzkoan bakarrik, 50 milioi euro ingurukoak direla. Izan ere, Mijoakoa ez da agindutako finantzazioaren zain dagoen proiektu bakarra (2).

Jaurlaritzak EAE osorako aurreikusi dituen 12,5 milioi horietatik 612.000 euro baino ez dira Gipuzkoako ibaien egoera hobetzera bideratuko. Zehatz-mehatz, 12.000 Pasai Donibanerako, 300.000 Villabonarako eta beste 300.000 Mallabirako. Mallabiko partida honi dagokionez, kontuan izan Mallabiko eta Ermuko ur zikinak Debatik ateratzeko lanek 9 milioi euroko aurrekontua dutela.

EAJren eta PSEren artean izenpetutako gobernu-akordioak beste gauza asko ez ezik honako hau ere badio: “Uraren hornikuntza, saneamendu eta arazketa azpiegitura hidraulikoak garatu eta eraikiko dira, dagoen plangintzaren arabera”. Baina plangintzak epeak er

e zehazten ditu, eta, ikusi dugun bezala, proiektu askotan epe horiek ez dira bete, eta, itxura guztien arabera, bete gabe jarraituko dute. Alde horretatik, Urkulluren gobernu berriaren eta Iñaki Arriola Ingurumen kontseilari berriaren aurrekontua ezin etsigarriagoa da. Gauzak izugarri aldatu ezean, garbi dago gobernu-konpromiso hori ez dela beteko, eta legegintzaldiak hasi baino ez du egin.

EGUZKI, 2017ko apirila

(1) Mijoako egoerari buruzko informazio, honako lotura honetan:

http://eguzki.org/2017/01/16/mijoako-saneamendua-2017ko-aurrekontuan-kontuan-izateko-eskatu-dio-eguzkik-eusk

o-jaurlaritzari/

(2) Gipuzkoan Jaurlaritzaren finantzazioaren zain dauden proiektuei buruzko informazioa, honako lotura honetan:

http://eguzki.org/2017/01/11/gipuzkoako-ibaien-saneamendua-eta-jaurlaritzaren-zorrak/

DSC_0826

Fernando Salegi (Eguzki): “Garoña urruti dagoela dirudi, baina arriskua erreala da”

http://lea-artibaietamutriku.hitza.eus/2017/03/02/fernando-salegi-eguzki-garona-urruti-dagoela-dirudi-baina-arriskua-erreala-da/

https://i0.wp.com/lea-artibaietamutriku.hitza.eus/files/2017/03/Fernando-Salegi.jpg

Garoña berriro zabaltzen baldin bada, bere ustiapena nabarmen luzatu daitekeela dio Fernando Salegi Martinez (Elgoibar, 1963) Eguzki talde ekologista eta antinuklearreko kideak. Erabaki horrek arrisku larrian jarriko luke Lea-Artibai eta Mutriku, besteak beste.

Segurtasun Nuklearraren Kontseiluak Garoña zabaltzeko oniritzia eman du.
Hori, tamalez, horrela da. Erabaki hori hartzeko orduan baldintzatuta ere egon direla jakin dugu. Teknikoak, hain zuzen ere, baietza emateko sekulako presioa ari dira jasotzen. Garoña berriz zabaltzeko gai ez direla izango pentsatu nahi dugu, baina ikusten denaren arabera, horren atzetik hainbat interes daude.

Zer interes?
Oro har, bi interes nagusi daude. Alde batetik, interes ekonomikoa egongo litzateke. Garoña 40 urte baino gehiago egon da martxan, eta ondo amortizatuta dago jada.

Eta bestetik?
Beste interesako bat, eta energia oso merke lortzeko asmoagaz, zentral nuklear horren ustiapena nabarmen luzatzea da.

Zenbateraino?
Hasiera batean 60 urte arte zabalik eduki nahi dute Garoña, baina baimen hori oso erraz lortu dutenez, litekeena da 80 urtera arte ere luzatzea zentral horren ustiapena.

Zer eragin edukiko luke ustiapen urteak luzatzeak?
Erabaki horregaz, hain zuzen ere, gure osasunagaz eta ziurtasunagaz ari dira jokatzen. Garoña martxan jarri eta ustiapen baimena luzatzen baldin bada, gainera, Espainiako beste zentral nuklearretan ere gauza bera egin nahi dutela uste dugu. Espainian ia 40 urte beteko duten beste bost zentral nuklear daude, eta pentsa horrek guztiak hainbeste urtez zabalik egoteak zer arrisku eragingo lukeen.

Espainiako Gobernua, bestalde, Garoña zabaltzea aztertzen ari da. Horren beharrik ba al dago?
Ez dago energia nuklearraren beharrik. Espainia mailan, berez, beste era bateko energia soberan dago. Garoña lau urte baino gehiago egon da geldituta, eta frogatu ahal izan denez, energia hornidura berdin-berdin egon da. Hainbat erakundek, berriz, energia nuklearra merkeago dela sinetsarazi nahi digute, baina hori gezurra da.

Zergatik?
Zentral nuklearren enpresa arduradunek hainbat laguntza jasotzen dituzte Espainiako Gobernuaren aldetik, eta horrek merketzen du energiaren kostua. Hortaz, baliabide horren zati handi bat denon artean ordaintzen dugu. Energia nuklearrak, gainera, beste hainbat gastu ere baditu.

Zeintzuk, esaterako?
Hondakin nuklearrak ez dira inoiz desagertzen, eta horiek ondo gordeta egon behar dira. Eta horren inguruko kostua ere oso handia da.

Datuen arabera, ez dago Garoña zabaltzeko benetako beharrik. Euskal Herrian, esaterako, nahikoa energia sortzen da.
Bai, hori da. Hemen energia kanpotik ekarritako gasagaz sortzen dugu. Askotan bertan daukagun energia ez da behar bezala erabiltzen. Castejonen (Nafarroa), esaterako, bi zentral termiko daude. Horietako bat martxan baldin badago ere, bestea noizean behin pizten dute.

Garoña zabaldu, eta istripu bat gertatuko balitz, zer eragin izango luke hemen?
Garoña urruti dagoela dirudien arren, ez dago hain urruti ere. Arabako mugatik, esate baterako, oso hurre dago. Lea-Artibaitik, bestalde, 90 kilometro baino gutxiagora dago. Egia esan, horren inguruko kontzientzia gutxi dago gure jendartean. Arriskua erreala da. Txernobylen eta Fukushimaren moduko hondamendi bat egongo balitz hemen ere arriskuan egongon ginateke.

Ze neurritan?
Adituek diotenaren arabera, 150 kilometroko eremu batean kalteak nabarmenak izango lirateke. Baina kalteak eremu horretatik haratago ere zabaldu daitezkeela uste da. 1986an Txernobylgo hondamendi nuklearra gertatu zenean, esaterako, euskal herriraino ailegatu ziren erradioaktibitatez betetako laino toxikoak. Garoñak, gainera, oso teknologia zaharra dauka. 1970an inauguratu zuten, eta horrek ere istripu larri bat izateko aukerak biderkatzen ditu. Garoña, hain zuzen ere, lehen belaunaldiko zentraletako bat da; besteak beste, Txernobylgo zentral nuklearraren teknologia oso berdintsua dauka. Eta zentral horretan hainbat azpiegitura berritu ahal badira ere, erreaktore nuklearra ezin da inoiz aldatu.

Zergatik?
Hori betirako da. Dakigunaren arabera, gainera, hainbat arrakala dauzka. Arriskua, beraz, hor dago. Aurretik ere hainbat istripu txiki egon dira, eta hurrengoa auskalo noiz izan daitekeen.

Jendartean kontzientzia handirik ez baldin badago ere, gero eta jende gehiago dago gaiagaz kezkatuta, ezta?
Aurreko astean, esate baterako, jende gutxi agertuko zelakoan, sekulako jendetza batu zen Gasteizko giza katean. Ikusten denez, jendea nahikoa beldurtuta dago.

Berton ere hasi da mugimendua martxan.
Lea-Artibai eta Mutrikun ere bagabiltza zerbaitetan. Jendartea gaiak duen garrantziaz jabetu dadin, esate baterako, hainbat kartel jartzen ari gara herriz herri. Beste alde batetik, energia nuklearra erabiltzen duten Iberdrola edo Endesa moduko enpresen aurkako boikota ere bultzatzen dugu.

Zelan egin daiteke boikot hori?
Beste eredu energetiko batzuk posible direla uste dugu. Gaur egun, energia berdea eskaintzen duten alternatibak baditugu; Goiener kooperatiba, esaterako. Diru aldetik beste konpainien beste edo zer edo zer merkeago kostatzen da, gainera. Lortutako mozkinak ze proiektu alternatibotan inbertitu erabakitzeko aukera ematen diete bazkideei.

 

Saturraran ez da zabortegi bat!

Saturraran ez da zabortegi bat! Ez bota zaborrik itsasora, ibaietara eta hondartzara!

20170301_140852

Garoña itxi betirako!

16797940_1826580747608368_2208321931590498730_o

Crea un blog o un sitio web gratuitos con WordPress.com.

Subir ↑