Buscar

Lea Artibaiko Eguzki

Categoría

Ibaiak

Mijoan ur saneamendua nahi dugu orain! (mozioa sartu dugu Mutrikuko Udalean)

Mutrikuko Udalean mozioa sartu dugu. Mozio horretan Mutrikuko udalari eskatzen diogu Jaurlaritzari presioa egiteko Mijoan ur saneamentua egiteko.

Hauxe da mozioa:

EGUZKI TALDE EKOLOGISTAREN MOZIOA

Urte asko daramatzagu Mijoa errekaren egoera txarra salatzen, eta oso haserre eta nekatuta gaude. Erreka horren egoera gero eta txarragoa dela iruditzen zaigu. Eta instituzioek ez dute arazoa konpontzeko ezer egiten.

Edozelako isurketak gertatzen dira erreka horretan. Batzuk nahi barik, eta beste asko nahita. Ondorioz, erreka horretako ekosistema ezin da biziberritu. Bertan bizi diren animaliak gehitzen hasten direnean, isurketa bat gertatzen da eta dena hiltzen du. Eta berriro hasieratik hasi behar.

Baina isurketa horiek ez dituzte errekako animaliak kaltetzen bakarrik. Errekako kiratsak eta usain txarrak San Jeronimo, Pikupe eta Saturrarango bizilagunak ere kaltzetzen ditu. Kalte ekonomikoak ere eragiten ditu kanpinean eta txiringitoetan.

Mijoa ur zikinak botatzeko estolderia bihurtu da, eta Saturrarango eta Ondarroako hondartzetako urak ere kaltetzen ditu.

Mijoa erreka Bisoi europarraren babeserako plan berezian sartuta dago. Kontraesana da bisoia babestea eta gero bizitzeko behar duen jatekoa kentzea eta kutsatzea.

Instituzio desberdinek 2007-2011 urteetarako Gipuzkoan azpiegitura hidraulikoak eraikitzeko egin zuten akordioak 3 milioi euro aurreikusi zituen Mijoan hobekuntzak egiteko. Orduan, zergatik atzeratzen da behin eta berriro Mijoako saneamenduaren obra?

2016an gaude eta saneamentua oraindik ez da egin. Urtarrilean onartutako 2016-2021 urteetarako plan hidrologiko berriak Mijoako saneamendua egitea aurreikusi du berriro. Oraingoan 3,6 milioiko aurrekontuarekin. Baina obrak hasteko datarik ez dute ipini. Zergatik? Errekurtso ekonomiko gehien ipini behar duenak (Eusko Jaurlaritzak) oraindik ez duelako dirurik ipini.
Esango digute dirurik ez dela ipini krisiagatik, baina guk uste dugu dirurik ez dela ipini gobernuak beste prioridade batzuk dituelako. Azpiegitura hidraulikoak egin behar dituen departamentuak bere aurrekontuaren %72a abiadura handiko trena eraikitzera bideratu du, Madrilek oraindik ordaindu ez duen zatia ordaintzeko. Eta noski, besteen zorrak ordaintzen ibilita, Jaurlaritzak ez dauka dirurik Mijoan saneamendurik egiteko.

Egoera hau ikusita, zera eskatzen diogu Mutrikuko Udalari:

–    Eusko Jaurlaritzari exijitzea Mijoa errekan egin behar diren saneamendu lanak 2017ko aurrekontuan sartu eta martxan jartzea, irtenbide oso edo integral bat emanez. 2017ko udarako erreka garbi eta bizi bat eduki nahi dugulako.
–    Erabaki hau Eusko Jaurlaritzari eta bereziki Ingurumen eta Lurralde Antolaketa Sailari, URAri (Uraren Euskal Agentzia), Gipuzkoako Ur Kontsortzioari eta Gipuzkoako Foru Aldundiari jakinaraztea.
DSC_0826

Gaur be koipi Ondarruko errixun eta portun

IMG-20160721-WA0010

Atzo arrainak hildde agertu zin Saturraneko errekan, eta koipi Ondarruko errekan.

Gaur atzea be koipi agertu de Ondarruko errixun, eta batxe portun be.

On dala aste batzuk portun egondako beste isurketa bat salatu gendun.

Noiz arte aguanta bir douz holakuk? Administrazinoik neurririk hartuko dabe? Ala herritxarrok hasi biko gaz beste neurri batzuk hartzen?

IMG-20160721-WA0009

Capture+_2016-07-21-23-50-26

Capture+_2016-07-21-23-51-16

 

Portuko eta txalopetako erruberek Saturraranen amaitzen dute

Aurreko batean salatu genuen Saturrarango errekan gurpilak agertzen zirela. Errubera horiek zuloak eta sokak dituzte, eta txalupetatik eta portutik itsasoak ekarritakoak dira.

Txalopa jabeei eta portuko arduradunei eskatzen diegu gurpil zaharren ordez beste alternatiba batzuk erabiltzeko. Ondarroako portuan bertan badaude hormara lotuta dauden gomazko paloak.

image

Saturraran erreka gurpil zaharrez beteta dago

Saturraran errekan 7 gurpil zahar daude gutxienez. Gero eta gehiago. Ez dakigu itsasoak ekarritakoak diren edo jendeak botatakoak. Mutrikuko udalari eskatzen diogu gurpil horiek jaso eta eroan behar diren lekura eroateko. Eta jendeari eskatzen diogu gure ibaiak zaintzeko.

Gure errekak ez dira zabortegi bat!

DSC_0822

DSC_0818

DSC_0819

DSC_0820

DSC_0821

DSC_0825

DSC_0836

Saturraran errekan isurketa bat egon da

Saturraran errekan isurketa bat egon da 2015eko urtarrilaren 13an. Noiz arte egon behar gara erreka horretako isurketak salatzen?

DSC_0826

DSC_0823

DSC_0824

Saturraran zikinez beteta

Aurreko astin arrainak agertu zin hillde. Hurrengo egunetan bits marroi agertu zan ingurutan. Eta gaur hondartza guzti, erreki eta Harbideko hatxak zikinez beteta agertu diz. Argi da enpresan batek erreka botatxuzela beran zikinak, salmueri seguruena, orixu be bai igual. Baine ze enpresa ixan da? Hainbeste gatz eta zikin botata, errekako bixixe hil etxen da. Kutsadurarik ez!

P1060476

P1060482

P1060479

P1060483

P1060428P1060474

Arrainak hildde Saturraneko errekan

Beste behin be arrainak agertu diz hildde Saturraneko errekan. Zer pasa da? Zeinek ein dau hau? Isurketa bat ixan da? Mijoako enpresan kontrola handitxu ein bir de errekan etxen dizen isurketak kontrolateko.

P1060391

P1060386

P1060384

P1060388

P1060383

Ondarroako Udalak isurketen inguruko gure mozioa onartu du

Ondarroako udalak isurketen inguruan sartu dugun mozioa onartu du plenoan. Mozio horretan uda honetan gertatu diren isurketen inguruan informazioa eskatzen dugu, besteak beste. Bilduko 9 zinegotziek bozkatu dute alde; PNVko 2ak, abstenitu egin dira.

Hauxe da mozioaren testua:

MOZIOA: EGUZKI TALDE EKOLOGISTAK ONDARROAKO IBAIAN EGOTEN DIREN ISURKETEI AURRE EGITEKO ESKATZEN DIO ONDARROAKO UDALARI

Ondarroako ibaiaren kalitatea asko hobetu da azkenengo urteetan, batez ere etxeetako ur zikina ur araztegira bideratu direlako. Hala ere, urtea joan eta urtea etorri, errekara egindako isurketak behin eta berriro errepikatzen dira. Horren erakusle da datu hau: 2012ko udan Arrigorri hondartzan bainua debekatu behar izan da behin baino gehiagotan, portutik eta ibaitik kutsadura ailegatu delako bertara.

Uste dugu arazo honek gure ingurumena eta herritarren osasuna kaltetzen dituela, eta konpondu beharreko gaia dela. Horregatik, Ondarroako udalari pauso hauek emateko eskatzen diogu.

Portuan egoten diren isurketen kasuan eskari hauek egiteko Portu Agintaritzari:

–        Informazioa eskatzea udan txalupa bati isurketa bat egiteagatik ipinitako isunaren inguruan. Ea tramitazio hori nola dagoen.

–        Txalupek gasoila hartzen dutenean portuko zaindari bat bertan presente egoteko eskatzea

–        Txalopen desguazearen egoera legalaz galdetzea: zelako baimenak dituen enpresak; desguazeko arlanpak legea batetzen al duen; zergatik egiten diren desguaze batzuk uraren gainean eta tingloi ondoko erregai biltegien aurrean.

Saturrarango errekatik ateratzen den ur zikinaren inguruan, galdera hauek egiteko Mutrikuko Udalari:

–        Ea zein egoeratan dagoen Mijoako araztegia.

–        Ea informaziorik edo tramitaziorik baduten udan egondako isurketen inguruan, eta ea isurketa horiek egin dituztenen berri baduten.

Astilleruko kirol portuko arlanpan egiten diren isurketen inguruan, eskari hauek egiteko Antiguako Ama Itsas Elkarteari:

–        Arlanpan pinturarik ez botatzeko uretara, eta txalopen pinturarik ez kentzeko presiozko ur txorrotadekin

–        Bestelako gai toxiko eta kutsatzailerik ere ez botatzeko ibaira

Berriatuko udalari ere informazio hau eskatzea nahi dugu:

–        Zein egoeratan dagoen Berriatuko ur zikinen sarea, eta bereziki ea nora isurtzen dituzten ur zikinak Gardotza poligonoan.

Udalari eskatzen diogu beste arazo hau ikertzeko eta konpontzeko bitartekoak ipintzeko:

–        zenbait etxeetan ur zikinen irteera teilatuko euri uren hodietara konektatuta daukate.

Era berean, udalari eskatzen diogu ur zikinean sarera konektatu gabe dauden lekuak ahalik eta arinen konektatzeko.

Jasotako informazio guztia Eguzki talde ekologistari bidaltzea eskertuko genuke

Artibaiko isurketen puntu beltzak

Artibai ibaia isurketen puntu beltzez josita dago. Hona hemen, udan atera ditugun eta bidali dizkiguten argazkiak.

Kirol portuan txalupak margotzen dituztenean isuri guztiak ibaira joaten dira.

Mijoako enpresek koipea botatzen dute Saturran ibaira, eta zikin horiek Ondarroako hondartzan amaitzen dute.

Portuan, nahi duenak nahi duena egitearen legeak agintzen du.

Txalupen desguazeak edonon egiten dira, uraren gainean eta gasoil depositoetatik hurbil.

Desguazeak egiteko toki “ofiziala” ere itsasora zabalik dago, ez dauka ur tankerik, eta metal guztiak uretara joaten dira.

Portuan zamarrak uretara botatzen dira zuzenean.

Pertsona batzuk etxeetako garbigailuak euri uren hodietara konektatzen ditu, eta ur zikinak ibaira botatzen dituzte zuzenean, araztegira bidali barik!

Blog de WordPress.com.

Subir ↑