Buscar

Lea Artibaiko Eguzki

Categoría

Kostaldea

Zaborra, Arrigorri hondartzan

Itsasora botatzen dugun zaborraren zati bat hondartzan agertzen da. Beste zatia itsasoan geratzen da, ura eta ekosistemak kutsatzen.
Zaindu ibaiak eta itsasoa!

50849900_2208862206046885_5793974082747760640_o

Anuncios

Proposamena: kostaldeko artadiak berreskuratzea

Artadia aspalditik dago errotuta gure kostaldean. Gure herrietako toponimiak hori erakusten du: Artabide kalea Ondarroa, Artibai ibaia, Artadi auzoa Lekeition…

Baina azken hamarkadetan artadi horiek txikitzen eta desagertzen joan dira. Euren ordez pinua edo eukalitua sartu da, egurra ustiatzeko.

Horrek kostaldeko paisaian eragin du. Egurraren ustiaketa dela eta, sarritan lurrak biluzik egoten dira, itxura penagarria emanez. Gainera, lurrak biluzik egonda, higadura handitu egiten da.

Horregatik proposatzen dugu kostaldean artadia berreskuratzea, onura handiak ekarriko dituelako: higadura gutxituko du, paisaia hobetuko du (bertan paseoan ibiltzen diren herritarren gozamenerako) eta biodibertsitatea handituko du.

Baso hori berreskuratzeko pausoka joatea proposatzen diegu Lekeitio, Ondarroa, Berriatua eta Mendexako udalei:

– Udal hauek kostaldean dituzten lurren inbentario bat egin

– Lur horietan ze espezie dagoen ikusi

– Lur horietan espezie aloktonoak badaude monokultiboan, artak landatu (beti ere han egon ahal den bioniztasun botanikoa errespetatuz).

– Pinua eta eukaliptoa landatuta dituzten kostaldeko lur jabeekin kontaktuan jarri

– Lur jabe pribatu horiekin hitzarmenak egiten ahalegindu, euren lurretan (zati batean edo lur osoan), arteak landatzen joateko

– Kasu batzuetan lur pribatu horiek erosteko aukera aztertu

Apurka apurka pausu hauek emanda, Ondarroatik Lekeitiora doan bidea euskal kostaldeko artadi handiena bihur dezakegu, biodibertsitatearentzako eremu garrantzitsua sortuz, herritarren gozamenerako.

WhatsApp Image 2018-09-01 at 13.51.09

Saturrarango hondartza garbitu dugu

Apirilaren 14an Saturrango hondartza garbitu genuen boluntarioen laguntzaz. 30 pertsonako taldea batu ginen, eta 15 zabor boltsa bete genituen, hondartzan topatutako plastiko eta latekin.

Eskerrik asko laguntzera etorri zineten guztioi!

Gure itsasoa eta gure hondartzak garbi nahi ditugu!

20180414_182808.jpg

auzolana apirilak 2018

Beste isurketa bat Ondarroako depuradoran

2018-3-8.Isurketa

Martxoaren 8an, arratsaldeko lauretan, beste isurketa bat gertatu zen Ondarroako depuradoran. Uste dugu nahita egindako isurketa izan zela, ez delako lehen aldia. Eraiki zutenetik, depuradorak arazoak dauzka. Marea biziak daudenean, ur gazia sartzen da saneamendu sarean. Ur gazi horrek hil egiten ditu depuradorako bakteriak, eta bakteria hauek dira ur zikina garbitzeaz arduratzen direnak. Hori ez gertatzeko, ur gazia aparteko tankeetan gordetzen dute depuradorakoek. Baina ur gazi gehiegi dagoenean, uretara bota behar izaten dute, garbitu barik.
Ez dakigu orain ze argumentu erabiliko duten isurketa hau justifikatzeko, baina Eguzkik uste du egoera hau ezin dela gehiago luzatu.
Isurketa hauek ezin dira erantzun barik geratu. Nekatuta gaude, Ur Partzuergoak herritarrei zergak kobratzen dizkie baina gero halako kudeaketa txarra egiten du ur zikinarekin. Instituzioek ere zerbait egin behar dute egoera hau konpontzeko.
Artibaira ur zikina botatzen duten puntu beltzak ere konpondu behar dira.
Ur zikinik gabeko kostalde bizia nahi dugu, eta horregatik eskatzen diegu herritarrei halako isurketa bat ikusten dutenean (kostaldean, ibaian edo portuan) dei dezatela 112ra, eta ahal bada guri ere jakinaraztea, salaketaren jarraipena egin ahal izateko.

Konfirmatuta: Ondarroako Depuradorak bota zituen itsasora maiatzaren 24ko ur zikinak

18671768_1872051256394650_2588813310685840693_o

Bizkaiko Ur Partzuergoak erantzun du guk bidalitako galdera, eta konfirmatu du Ondarroako depuradorak bota zituela itsasora maiatzaren 24ko ur zikinak.

Ez da lehenengo aldia hau gertatzen dena. Eraiki zutenetik, depuradorak arazoak dauzka. Marea biziak daudenean, ur gazia sartzen da saneamendu sarean. Ur gazi horrek hil egiten ditu depuradorako bakteriak, eta bakteria hauek dira ur zikina garbitzeaz arduratzen direnak. Hori ez gertatzeko, ur gazia aparteko tankeetan gordetzen dute depuradorakoek. Baina ur gazi gehiegi dagoenean, uretara bota behar izaten dute, garbitu barik. Eta hori gertatu zen maiatzaren 24an.

Bizkaiko Ur Partzuergoari eta instituzioei eskatzen diegu arazo hau ahalik eta azkarren konpontzeko, itsasora ur zikin gehiago ez botatzeko.

Bide batez, Ur Partzuergoari eskatzen diogu euskaraz bidalitako galderak euskaraz erantzuteko. Euskaraz bizi nahi dugulako, eta gure eskubidea delako.


 

Captura de pantalla de 2017-06-12 17-43-11.png

Depuradorak ur zikina bota du itsasora

Bizkaiko ur partzuergoari azalpenak eskatu dizkiogu isurketa honengatik.

Ez da lehenengo aldia depuradora inguruan halako isurketak gertatzen direna. Aurrekoetan ere salatu izan dugu, eta ur partzuergoak behin onartu zigun depuradorak arazoak zeuzkala. Arazo horiek jarraitzen dute?

18738568_1872051253061317_6578984373441865143_o18671768_1872051256394650_2588813310685840693_o

18623667_1872052956394480_1484573665248488659_o

Saturraran ez da zabortegi bat!

Saturraran ez da zabortegi bat! Ez bota zaborrik itsasora, ibaietara eta hondartzara!

20170301_140852

Itsasoa eta kaleak zaborrez beteta Lekeitioko antzar egunean

IMG-20160906-WA0006

Aurten ere itsasoa eta kaleak zaborrez bete dira Lekeitioko antzar egunean.

Uretara jausitako zabor horrek itsasoa eta arrainak kutsatzen ditu, eta kutsatutako arrainek geure plateretan amaitzen dute. Itsasoa zikinduta geure osasuna kaltetzen dugu.

Neurriak hartu behar dira jaietan hondakin gutxiago sortzeko, eta kaleak eta itsasoa zaborrez ez betetzeko. Horretarako edalontzi berrerabilgarriak erabili behar dira, birziklatzeko ontzi gehiago egon behar dira kalean…

Ondo pasatzen dugun bitartean geure ingurua errespetatzea posible da.

Blog de WordPress.com.

Subir ↑