Buscar

Lea Artibaiko Eguzki

Animaliak babesteko Galbaixon arretaz gidatzeko eskatzen dugu

Mutriku eta Deba lotzen dituen GI-638 errepidea itxita dagoen bitartean, zirkulazioa Galbaixotik ari dira desbideratzen, eta bertatik igaroko den ibilgailuen joan-etorria nabarmen igoko dela jakitun, inguruetan bizi diren zenbait ugaztun eta anfibio espezieren bizitza arriskuan.

Zirkulazioaren gehiegizko igoera mehatxua da azerientzat, katajinetentzat, azkonarrentzat… baita Euskal Herriko espezie mehatxatuen katalagoan dauden beste animalia askorentzako ere; apo lasterkaria, muxar grisa edo bisoi europarrentzako, esate baterako.

Astigarribiako ibarreko gunea animalien “korridore naturala” da. Arno eta Izarraitz artean dauden animalia populazioaren arteko lotura da. Errepide hori Astigarribiako ingurune naturaletik igarotzen dela nabarmentzekoa da; Arnoko komunitate intereseko lekutik, hain zuzen.

Galbaixotik igarotzen diren gidariei arreta edukitzeko eskatu nahi diegu, batez ere, gauean. Bide honetatik igarotzen diren gidari eta bidaiariei kontu handia edukitzeko eskatu nahi diegu, arreta gehituz eta abiadura motelduz. Batez ere, gaueko ordutegian: hegaztiak eta anfibioak ez beldurtzeko, eta ez harrapatzeko.

Animaliaren bat zaurituta edo hilik aurkituz gero, berriz, Larrialdi zerbitzura (112) deitzeko gomendatzen dugu. Heurek jakingo dute zer protokolo ipini abian.Kalbarixoa_azeria

 

 

 

 

Entrada destacada

Eusko Jaurlaritzak urratu du berriro Mijoa erreka saneatzeko konpromisoa

2018-12-7.Mijoa garbia

2020ko Aurrekontuetan ere ez du proiektua gauzatzeko dirurik aurreikusi

Eusko Jaurlaritzaren 2020ko Aurrekontu Proiektuak, asko aldatu ezean, ibaiak saneatzeko lanetan atzerapen gehiago ekarriko dute (1). Berriro atzeratuko den saneamendu-proiektuetako bat Mijoa errekakoa izango da. Itsasora zuzen-zuzenean isurtzen du Mijoak,  Saturrarango hondartza ondo-ondoan.

Joan den otsailean, Jaurlaritzak Mijoa saneatzeko finantziazioa bere gain hartuko zuela berretsi zuen Ingurumen kontseilari Iñaki Arriolak, % 100ean hartu ere. Alabaina, 2020ko Aurrekontu Proiektuan ere ez dago hainbestetan atzeratu diren saneamendu-lan hauek gauzatzen hasteko dirurik.

Joan den otsailean, Iñaki Arriola kontseilariak eta Jose Ignacio Asensio foru diputatuak Gipuzkoa saneatzeko Esparru Akordio berri bat iragarri zuten (2). Akordio berria zaharra ordeztera zetorren. Izan ere, zaharra hein handi batean ez da bete, hain justu, Jaurlaritzak urratu dituelako hartu zituen konpromisoak (3). Akordio berriaren aurkezpena zela eta, Asensiok espresuki esan zuen “Mijoako [zein Pasaiako] gabezia historikoak” konponduko zituela.

Hamar urtez konpromisoak urratzen

Instituzioek 2007. eta 2011. urte bitartean Gipuzkoan hainbat lan hidrauliko finantzatzeko Esparru Akordio bat izenpetu zuten. Lan horietako bat Mijoako saneamendua zen. Baina Jaurlaritzak ez zuen agindutako dirua ipini.

2016an, Plan Hidrologikoak Mijoa saneatzeko beharra bazegoela berretsi eta epe berri bat ezarri zuen: 2021. urte bitartean. Baina Jaurlaritzak entzungorrarena egiten jarraitu du. Izan ere, lanok 3,6 milioi euro inguruko aurrekontua dute eta, momentuz, 100.000 euro baino ez ditu ipini. Azter-lanetarako edo.

Bazirudien joan den otsailean iragarritako Esparru Akordio berriak Mijoako saneamendu-proiektua ahanzturatik erreskatuko zuela, baina, Jaurlaritzaren 2020ko Aurrekontuari erreparatuta, ez da horrela izan.

Beraz, dagoeneko segurutzat jo dezakegu Mijoak “larriki” urratuko duela Plan Hidrologikoak 2021erako ezarritako kalitate-helburua. Izan ere, helburu hori Mijoa egoera ekologiko “onean” egotea da.

Mijoak kutsadura handia pairatzen du, batez ere organikoa, saneamendu ezaren adierazle nabarmena. Gaur egun, Mijoa bioaniztasuna itotzen duen estolda hutsa da (Bisoi Europarra Babesteko Plan Bereziaren barruan sartuta dagoen arren). Ura Agentziaren txostenetan bertan irakur daitekeenez, “kalitate ezin txarragoa” du eta “ingurumena muturreraino degradatuta” dago.

Gainera, Mijoako isuriek Saturrarango eta Ondarroako hondartzetako uren kalitatean eragina dute, eta kiratsak, berriz, San Jeronimoko eta Pikupeko bizilagunek aditu behar izaten dituzte.

Noiz arte?

EGUZKI, 2019ko azaroan2016-7-25. Mijoa beste bat

2017.Mijoaren pegata

 

 

Lekeitioko portuan beste koipe isurketa bat

isurketa-lekeitio-portu-koipe-1-1200x707

Irailaren 28an Lekeitioko portuan koipe isurketa egon zela salatu dute hainbat herritarrek.

Zehaztu dutenez, tinglaupeko moilatik ikusi zuten portuko ura zikin-zikin zegoela.

Herritarrek HITZAri jakinarazi diotenez, “inoizkorik zikin gehien” ikusi zuten. Horren aurrean, argazkiak atera zituzten. “Batek esango luke inori ez diola ardurarik”. “Koipe isurketa oso nabarmena izan da”, zehaztu dute salaketa egin duten herritarrek.

Zoritxarrez, kasu hontan EGUZKIn ez dugu euki informazio zuzena, eta ainbeste isurketakin gertatzen den bezala, hau ere paperean gelditu da bakarrik.

Herritarrei laguntza eskatu nahi diegu eta gurekin harremanetan jartzea, informazioa jasotzeko helburuarekin.

Ea denon artean errudunak identifikatzen ditugun eta egoera honekin amaitzen dugu behingoz.

lekeitio-portu-isurketa-768x576

Ondarroan bi isuri kutsatzaile berri salatu ditu Eguzkik

Isuri kutsatzaileek eguneroko ogi izaten jarraitzen dute Ondarroa partean. Eguzkik biren berri izan du aste honetan. Lehenengoa Kakalekun. Badirudi araztegiak oraingoan ere huts egin duela.

2019-9-15.Kakalekuan isurketa

Kakaleku. Gauzak asko aldatu ezean leku honek luzaz eutsiko dio herritarrek jarritako izen horri.

Bigarrena, berriz, gasoil-isuria izan da, portuan bertan. Portuan hamaika kamara daude, baina inoiz ez dute erruduna harrapatzen. Erabatekoa da zigorgabetasuna.

Eta halaxe jarraituko dugu, neurririk hartzen ez den bitartean.

2019-9-20.Portuko isurketa bat

Gasoil-orbana nahiko garbi ikusten da argazki honetan.

 

 

Ondarroako Udalak kukaina parean bainatzen uzteko eskaria luzatu dio Eusko Jaurlaritzaren Portu Zuzendaritzari

Herritarren eskaria kontuan hartuz eta kukaina inguruan bainatzea Ondarroan ohitura dela ikusita, udalak Portu Zuzendaritzari eskatu dio inguru horretan bainatzen uztea. Portu Zuzendaritzak duela egun batzuk bainua debekatzen zuten seinale batzuk jarri zituen inguruan eta gai horri heldu nahi izan dio udalak.

Udalak, eskaera ofiziala egin du eta Portu Zuzendaritza prest agertu da inguru horretan bainatzen uzteko beti ere udalarekin hitzarmen bat sinatuz gero. Hitzarmen horretan bainu eremua zein izango den zehaztuko da eta bertan gerta daitekeenaz ez da Portu Zuzendaritza arduratuko; berez, portu eremuan ezin da bainatu. Inguruko herrietako zenbait eremutan bainatzea ahalbidetzeko ere hitzarmenak sinatu behar izan dituzte udalek.

Zunbeltz Bedialauneta alkateak esan du udalaren asmoa kukaina ingurua balizatzea dela, hitzarmena sinatu ostean. “Ez dakigu hitzarmena noiz sinatu ahalko den, baina eskaria egina daukagu”. Alkateak zehaztu du behin ingurua balizatutakoan norbanako bakoitza izango dela gertatzen denaren arduradun, eta kukaina erabiltzeko arauak betetzea ezinbestekoa izango dela, hori baita hitzarmenean adostuko dena. Gaineratu du soilik balizatutako eremuan bainatzea ahalbidetuko duela sinatu nahi den hitzarmenak. “Hitzarmenean arauak betetzearen garrantzia azpimarratuko da”.

Alkateak esan du udalak gune batean bainatzeko eskaria egin duela, uste delako inguru horretan bainatzeak ez duela arriskurik suposatzen. Hala eta guztiz ere ingurua errespetatzeko beharra azpimarratu du eta esan du bainatzen direnak euren ardurapean egingo dutela.

 

Kaietan haurrei bainatzea debekatu?

BERRIA.Luis Mari Zulaika Isasti – Hezkuntza eta Kirol Fakultateko irakaslea EHUn

Elantxoben gertatutako istripua dela eta, udara honetan beste behin ere berritu zaigu ondorengo eztabaida: itsas portuetan bainua hartzeko dagoen debekua, betearazi behar al da?

(Hiper)segurtasunaren izenean neurri guztiak zilegitzat jotzen diren garaiotan, aldeko ahots ugari entzuten dira; baina ez litzateke gaizki egongo neurri horiek zalantzan jartzen dituzten argudioak ere mahai gainean ipintzea. Heike Freire irakasleak Berde hezi bere liburuan (HikHasik euskaraz argitaratua) oso ondo azaltzen ditu haur bat gainbabestearen (esne mamitan haztearen) ondorioak. Argitalpen horretan, haurrak arriskuak ondo kudeatzen ikasteko hainbat urrats proposatzen ditu. Saiakera eta hutsegitearen poderioz, ahaleginduz eta hanka sartuz (aurreko belaunaldikoek egin izan duten bezala) joango da pixkanaka ikasiz eta bere mugak ezagutuz eta gaindituz. Inolako arriskurik gabe hazten den haurrak zailtasunak izango ditu gero errealitatera egokitzeko.

Egungo haurrak oso txikitatik psikomotrizista eta kirol entrenatzaile tituludunen hamaika ikastaro ordaindutakotara eraman baditugu ere, esan al daiteke gure aitona-amonek adin horretan oinarrizko trebetasun motorrei dagokionez zuten maila baino hobea dutenik? Egungo umeek kaleko zein naturako jolas libreari eskainitako denbora galdu izanak bere ondorioak ditu. Eta badirudi jarduera horiek are eta gehiago kontrolatu eta murriztu nahi dizkiegula.

Gorputz hezkuntzako irakasleek jarduera gabezia horrek eragindako hutsuneei erantzun behar izaten diete. Uretara jauziak egiteko jarduerari dagokionez, aipa daiteke oreka gaitasuna eta gorputzaren pisua desplazamenduetan kontrolatzeko gaitasunarekin harreman zuzena duela, eta trebetasun horiek transferentzia positibo zuzena dutela hamaika jardueretan: atletismo, kirol gehienetan, gimnastikan, akrosport, dantzak… Eta ez dezagun ahaztu zure motrizitate mailak, besteak beste, zure sozializazioa, prestigio soziala, autoestima eta sormena baldintzatzen dituela.

Maiz kexatu ohi gara gure gazteen aisialdiko ohitura sedentarioez, (bereziki, pantailekiko eta teknologia berriekiko adikzioak), eta horiek osasunarekiko duten eragin kaltegarriez (gizentasuna, indibidualismoa…). Baina, gero, beren jarduera librea debeku eta isunen bidez mugatzen dugu: igerileku publikoetan jauziak egiterakoan abiada hartzea edo airean birak ematea, zuhaitzetara igotzea, bizikleta eta patinen erabilera, baloiak… Osasunerako Mundu Erakundeak etengabe aldarrikatzen du gure haur eta gazteentzat aisialdirako jarduera fisiko ludikoz osatutako ohitura osasuntsu eta bizi estilo aktiboak sustatzearen beharra. Ezaugarri horren garrantziaren adierazle dugu ideia hori jasotzen dela hainbat herrialdetako hezkuntza sistemetako curriculum ofizialetan.

EHUko Herran irakasleak, bere doktore tesian, haurrak psikomotrizitate gelan aztertu ondoren, jauzia «hegan egite sentsazioarekin» parekatzen zuen. Parke tematiko ia guztietan dugu erorketa librean oinarritutako atrakzioren bat, baita akuapark eta antzekoetan, edo herriko jai askotan garabi baten bidez edo prestatutako tramankuluetan ere. Gazte izatearekin eta momentuaz gozatzeko ezaugarriekin bat dator adrenalina sorraraziko dion eta arriskua duten jarduerak probatzeko grina. Itsasertzean eskura topatutako aukerez baliatuz gozatzea ez da egungo gazteek asmatu duten zerbait, aurreko belaunaldien artean ere badu bere tradizioa.

Zarauzko irakasle batek aipatzen zidan haurrei udako gogoramenik gogoangarrienen inguruan idazteko eskatutakoan batek baino gehiagok bere herriko kaian jauziak eginez pasatutako arratsaldeak aukeratzen zituela. Ez dezagun ahaztu, Orson Wellesen Kane hiritarra filmean, hain gizon boteretsu eta ustez arrakastatsuari, bere bizitzako errepasoa eginda, gogoramen bat nabarmendu behar, eta haurtzaroan elurretan leratxoarekin (trineoa) pasatutako uneak zetozkiola burura.

Marka komertzial batek babestuta Bilboko Salbe zubitik jauzi egiten duten izar batzuk ikustera mugatu gabe, eskain diezaiegun aukera ahalik eta gazte gehienei zuzenean beraiek esperimentatu eta gozatzeko (zailtasun maila egokituta, noski).

Helduok har ditzagun neurriak gure haurren konpetentzia motorra garatzeko, aldi berean beren autogestioa, autonomia eta heldutasun maila bermatzen lagunduz. Ahal den neurrian eremu naturalak presta ditzagun horretarako, besteak beste, kai eta portuetan itsasontzien trafiko gutxiko guneak egokituz gure haur eta gazteek bainatzeko aukera izan dezaten. Oro har, interesgarria litzateke gure haurren jolasaldia hainbeste ez kontrolatzea eta zero arriskuarekin ez obsesionatzea. Bertako administraziotik (EJ, Foru Aldundiak eta udal ugari) sortu dugun MUGIMENT egitasmoarekin bat eginaz, gure gazteen artean aisialdi ohitura osasuntsuak eta bizi estilo aktiboak garatu eta sustatzera bideratu behar genituzke indarrak. Beren osasunak, heziketak eta bizi-kalitateak eskertuko liguke2019-8.1. Dzanga bai

 

 

 

 

 

 

Mutrikun, Venezia parean, jaso gabeko zaborra pilatu dela

Ondarroa eta Mutriku artean jaso gabeko zaborra

pilatu dela salatu du Eguzkik

Mutriku,  2019/07/24

 Ondarroa eta Mutriku artean dagoen Venezia dantzaleku inguruan, Saturraranera jaisteko bidean, jaso gabeko zaborra pilatu dela salatu dute Eguzki talde ekologistako kideek. Azaldu dutenez, “norbaitek” inguruko hondakinak batu eta dantzaleku inguruan utzi zituen notatxo batekin: “Ondarroa edo Mutrikuko arduradunek zaborrak jasotzeko”. Bi aste baino gehiago igaro dira, eta oraindik zaborrak bertan jarraitzen duela diote: “Lehenbailehen Mutrikuko arduradunei egoera argi dezatela eskatzen diegu”.

Ba tristea da, baina salaketa  hau kaleratu eta gero beste aste bat pasatu da eta bertan jarraitzen da zabor guztia.  Noiz arte?

zaborrak-ondarroa-eta-mutriku-artean-1200x1600

 

 

Eguzki, arrantza-ontzi baten jabea eta patroia legez babestutako marrazoak harrapatzeagatik zigortu dituen epaiaren aurrean

Gernika-Lumoko epaitegiak  Ondarroako portuan izena emanda dagoen Tonino Segundo arrantzontziko armadorea eta patroia zigortu ditu ingurumenaren aurkako delitua egiteagatik, eta epaiketa sustatu duen, sententzia garrantzitsua da.

Ingurumenaren aurkako delituak merke ateratzen dira.

Zaila da antzeko delituak frogatzea, eta, frogatzen direnean ere, zigorrak ez dira oso larriak izaten. Kasu honetan, isunari dagokionez, behintzat, oso zigor arina da: guztira, 1.200 euro, edo, beste modu batean esanda, 60 euro legez kanpo harrapatutako marrazo bakoitzeko. Ez dirudi horrelako zigor merkeak disuasorioak direnik. Hala ere, epai garrantzitsua da, ezbairik barik.

Epaiak Tonino Segundo ontziko armadorea eta patroia zigortu ditu legez babestutako marrazo espezie bat zuhurtziagabetasun larriz arrantzatu eta saltzen saiatu zirelako. Zehatz esanda, 20 marrazo muturmotz (Lamna nasus) zeramatzatela harrapatu zituzten ontziko marinelak. Zigortu bakoitza 600 euroko isuna ordaintzera zigortu du epaiak, eta hiru hilabete eta hamar eguneko gaitasungabetzea ezarri die arrantzan egiteko. Zehatz esanda, eguneko 6 euroko isuna ordaindu beharko dute, gaitasungabetuta dauden egun bakoitzeko

GERTAEREN KRONOLOGIA.

2018ko apirilaren 23an Espainiako Arrantza Ikuskaritza Zerbitzuak Tonino Segundo ontziko marinelei 20 marrazo muturmotz bahitu zizkieten.

Legez kontra arrantzatutako marrazoak Ondarroako portuan deskargatzeko eta saltzeko asmoa zuten, kaelekin nahastuta. Arrantza Ikuskaritzak, legez kanpo arrantzatutako marrazoak bahitzeaz gain, Tonino Segundo-ri zigor espedientea ere zabaldu zion, 4.872 kilo kaela deklaratu zituelako, 6.320 kilo eraman arren.

Espainiako Arrantza Ikuskaritzak bahiketa egin baino hilabete batzuk lehenago, berriz, 2017ko irailean, Ondarroako portuan ateratako hainbat argazki sareratu zituzten. Argazki haietan marrazo asko hilik eta pilatuta ikus zitezkeen. Irudi haiek hautsak harrotu zituzten, eta haien inguruan oso informazio larriak zabaldu ziren.

Azaroan, berriz, Ertzaintzak jakinarazi zuen Eguzkiren salaketa abiapuntutzat hartuta, hainbat pertsona ikertzen ari zela ustez ingurumenaren kontrako delitua egiteagatik. Honen guztiaren ondorioa da orain ezagutu dugun epaia.

 

 

 

 

Zapatu Azulin garbi jokatu!

Ongo larunbatean, Ondarrun Zapato Azule ospatzen da. Kanpotik ere gero eta gende gehiago etortzen da. Milaka pertsona etortzen dira Euskal Herriko bazter guztietatik. Kriston giro jatorra egoten da.

Beste aldetik, jai guztiak bezala, desfase asko egoten da. Txisa egiten da edo non, botilak, plastikoak, edalontziak, …lurrera botata.

Ez da erraza, baña guk ere gende guztiak bezala ondo pasatu nahi dugu, gure kaleak zikindu gabe.

Orain urte batzuk, pauso handi bat emon zan baso berrerabiltzeko aterata.

Línea hori jarraituta, Eguzkitik kontzientziazio kanpaina txiki bat antolatu dugu. Eta Udalari ere eskaera batzuk egin dizkiogu.

1.Kontzientziazio kanpaina txiki bat egitea.

2.Toki estrategikoetan kontenedoreak gehiago jarri.

3.Egunean zehar langileak jartzea hondakinak batu birziklatzen eta kontenedorak utzitzen.

Fijo aurten ere, ainbeste zikina lurretik jasoko dute Udaletxeko langileak, baina espero dugu gero eta gitxiagoa izatea. Danok artean lortuko dugu.2019-6-29.Zapatu Azula

 

Beste isurketa bat Ondarroako portuan

2019-5-27.Potuko isurketaAstelehen [maiatzak 27] goizean gasoil orban oso zabala ikus zitekeen portuko uretan. Hiruzpalau tokitan orban handiak ikusten ziren. Isurketa 08:00ak aurretik izan zen. Portuko arduradunek orbana garbitzeko agindu zuten, eta garbitzeko neurriak hartu baziren ere, beste isurketa batzuk saihesteko neurririk ez dela hartzen iruditzen zaigu.

Isurketaren berri eduki orduko Eguzkikoek Ondarroako Udaltzaingoari deitu zigun, dagokion protokoloa abian ipintzeko eskatuz. Salaketa, gainera, Itsas Kapitaintzara ere bideratu gendun.

Azpimarratu nahi dugu, portuko uretan gasoil isuriak sarri gertatzen dira, inor zigortu barik. Portuko arduradunei eta erantzukizuna duten erakundeei neurriak hartzeko eskatzen dugu, berriro horrelakorik gerta ez dadin.

Antzeko egoerak behin eta berriz salatzen nazkatuta gaude. Egoera onartezina da.  Dagokienek ez dituzte ardurak betetzen, eta errudunak zeintzuk diren argitu barik jarraitzen dute.2019-5-27.Potuko isurketa

 

 

Blog de WordPress.com.

Subir ↑